Norðlæglega og einangrun þýðir að hér er fátt um innlendra meindýra og sjúkdóma á gróðri auk þes að illgresisflóran er takmarkaðri hér en t.d. á hliðstæðri breiddargráðu í Evrópu.

Hlýjir hafstraumar sem koma sunnan að landinu gefa okkur síðan hærra hitastig en eðlilegt er miðað við breiddargráðu.

 

Í dag er talið að saga garðyrkju á Íslandi hefjist með Gísla Magnússyni sýslumanni eða Vísa Gísla, fæddur 1621, lést 1696.

Gísli var eins og viðurnefnið bendir til einn lærðasti maður á sinni tíð. Hann nam bæði í Danmörku og Hollandi m.a. garðyrkju. Þegar heim kom hóf hann tilraunir með garðrækt, fyrst á Hlíðarenda í Fljótshlíð síðan að Munkaþverá í Eyjafirði og loks að Skálholti hjá tengdasyni sínum, Þórði biskup Þorlákssyni.

Gísli gerði tilraun m.a. með ræktun hvítkáls, grænkáls, gulrófna, gulróta auk byggs og kúmens.

 

Þær tegundir sem ræktaðar eru til sölu í dag utan gróðurhúsa eru: Blaðlaukur, blómkál, gulrófur, gulrætur, hnúðkál, hvítkál, íssalat, karöflur, kínakál, rauðkál, sellerý, spergilkál og vorlaukur.

Gulrætur eru eina tegundin sem ekki er forræktuð en til þeirra er sáð beint í garðinn en einnig er sáð beint til stærsta hluta gulrófnaframleiðslunnar. Kartöflur eru látnar í forspírun áður en þær eru settar niður, til að stytta ræktunartímann og fá heilbrigðari kartöflur. Til annarra tegunda er sáð í gróðurhúsum og þeim síðan plantað út þegar veðurskilyrði eru orðin hagstæðari. Einnig þarf að sá oftar til sumra tegunda til að tryggja stöðugra framboð.

Til að stytta ræktunartímann og þar með auka öryggi í ræktun eru einkum tvær aðferðir notaðar auk forræktunar. 1 notkun á yfirbreiðslum 2 upphitun jarðvegs

Tvennskonar yfirbreiðslur eru einkum notaðar, plastdúkar og agryldúkar. Sumstaðar eru til náttúrulega heitir garðar sem ræktað er í en einnig hafa verið lagðar hitaleiðslur í garðlönd til að hita upp jarðveginn.

 

Nú er ræktað á um 1000 hekturum og er stærsti hlutinn undir kartöflum eða 75% síðan kemur hvítkál og gulrófur með um 40 hektara, gulrætur með 25 hektara og kínakál, blómkál og spergilkál með um 15 hektara hver tegund.