Grænmetisbændur leggja inn uppskeru til Sölufélags garðyrkjumanna og félagið leggur síðan allan sinn metnað í að koma vörunni á sem bestan og ódýrastan hátt til neytenda. Með öflugri stjórn og skilvirku og einföldu markaðskerfi skilar um 90% af heildsöluverði vörunnar sér til framleiðenda. Markmiðin eru einföld og byggjast á reynslu og þekkingu framleiðenda, sölu- og markaðssfólks ásamt gæðavitund íslenskra neytenda.

 
Íslenskt grænmeti er hollt, ferskt og bragðgott. Hár gæðastaðall er í raun vörumerki íslensks grænmetis. Nálægð við markaðinn gerir það að verkum að ávallt líður stuttur tími frá framleiðslu til dreifingar. Pökkun grænmetisins er ekki síst sá þáttur sem snýr að gæðum og markmiðið er að bragðið og ferskleikinn haldi sér. Hollustan í íslensku grænmeti er augljós. Ómengað vatn, hreint loft og jarðvegur án allra aukaefna gerir íslenskt grænmeti bragðgott, hollt og ferskt.
 
Við þökkum landsmönnum fyrir frábærar móttökur á íslensku grænmeti!

 

Loka